शांततेची एक चिमूट

नसावी आपल्या भाळासाठी

म्हणून ही वणवण

हा शाप की पूर्वसुकृत

की वजा होतंय एकेक कर्म

आणि मिळाली तर पुन्हा

तीच दुःख त्याच यातना..

पेक्षा करावं स्वीकार, नको आनंदाने

नाहीतर पुन्हा भर आणि पुन्हा भोग -उपभोग

पेक्षा दे अजून

आणि अजून दे निर्वीकारत्व

सुख दुःख समेतकृत्वा

वाटेल न वाटेल हीच शांतता

दुःख उगाळता यावं सहाणेवर

आणि टिळा लावून द्यावा का

ज्याने दिलं त्याच्या भाळावर.

उदबत्तीच्या वलयाबरोबर

मग विरून जावी उरली सुरली

शांततेसाठीची इच्छा

कविता होऊन जावी प्रार्थना!

- विभा