मी हा समूह सोडून जात आहे.
माझं अमुक अमुक
तुमचं तमुक तमुक
का रे बाबा? थांब जरा
मिसळ करू, भेळ करू
कबड्डी खोखो खेळ करू
जा बाबा, टेक केअर
तुला तुझं प्रिय बर्गर
इथे नाहीतर तिथे भेटू
रमीचा तरी डाव थाटू
आडून पाडून इकडून तिकडून
काय झालं? पुढं गेलं?
काय होणार? कुठं जाणार?
भाजणार, शिजणार
आंबणार, फसफसणार
खेळणार, पडणार
चिडणार, रडणार
कुठे आम्हाला मिळणार खीर?
कधी होणार आम्ही बुद्ध?
कुठल्या बोधीवृक्षाखाली
सापडणार आहे शाश्वत सत्य?
चल तोवर पुन्हा भेटू
जमल्यास पुरणाची पोळी लाटू
थोडं तुझं, थोडं माझं!
सत्य होईल खमंग मस्त!
त्यावर तुपाची धार धरू
आत्म्याला गपगार करू
नाहीच जमल्यास हरकत नाही
ग्रुपमध्ये बुद्धत्व गवसत नाही
मिसळ करू, भेळ करू
कबड्डी खोखो खेळ करू