फिनिक्स जसे भरारी मारतात ना
राखेतून जन्म घेऊन
तसेच कधी कधी आपल्या
उध्वस्त स्वप्नांच्या पायावर
उभे राहतात कुणाचे स्वप्नांचे इमले.
एकात एक गुंफलेल्या नात्यांमुळे
त्यांची स्वप्नं पूर्ण व्हावीत
हे देखील असतं आपलं एक स्वप्नं
आणि मग गाडतो आपण स्वतः रचलेले
स्वप्नांचे मनोरे
पाया भक्कम करण्यासाठी ......
पण जेंव्हा कधी माझ्या मनात
त्या दबलेल्या स्वप्नांचा
आणि त्यांच्या पूर्तीचा विचार येतो
तेंव्हा मी एकाच प्रार्थना करते,
हे प्रभू, भूकंपातही भक्कम राहील
असा पाया रचण्याची शक्ती मला दे!
निदान माझ्या एका तरी स्वप्नाची पूर्ती होऊ दे!