नको नको रे पावसा

असा आसेला लावूस

माझी भिजूदे झोपडी

उभी तुझ्या स्वागतास.

नको येऊ तडातडा

इथे नको तिथे पड

नको भलत्याच वेळी

तुझी वैतागाची झड  

असा कुठलाही बोल

तुला लावणार नाही.

मनमुराद तू ये रे.

हाती राखू नको काही.

चंद्रमौळी छतातून

थेंब थेंब पडतील.

चुली भोवताली सुद्धा

आगीसवे खेळातील.

पण धन्यच्या डोळ्यात

तुला पाहण्यापरीस

किंवा सालभर चूल

जी न पेटण्यापरिस

आता ये रे कोसळत

नको लावू आता आस.

माझी भिजूदे झोपडी

उभी तुझ्या स्वागतास.