वाट, हुरहूर, संपर्क,

संवाद, रुसवा, अबोला,

भेट, निरोप, दुरावा

मैत्र, नातं, प्रेम,

ह्या सगळ्याच्याही पलीकडे

कोसो मैलांवर  दूर असलेल्या

अप्राप्य चंद्रासारखा तू ….

आणि मी इकडे उशीला घेऊन झोपते

पापण्यांच्या तळ्यामधलं  पाणी….

निद्रा आणि  जागृतीच्या अधेमधे

तरळून जाते तुझी प्रतिमा  त्या तळ्यात स्वप्नवत….

चंद्र मुठीत आला आहे असं समजून…

मग मानून घ्यायचं समाधान.

नाहीतर माहित असतंच

हा हट्ट न पुरा होणारा .......