अशा तर तुझ्या माझ्यापर्यंत येणाऱ्या जाणाऱ्या
कितीतरी वाटा असतील.
एखादा राजमार्ग किंवा आडवळण,
एखादा रस्ता चढणीचा, उतरणीचा....
एखादी पाउलवाट, एखादा हमरस्ता....
पण हमसफर होऊ असा कुठलाच रस्ता
कधी दिसत नाही मला....
कारण एकमेकांपासून एकमेकांपर्यंत
अशा कोणत्याही गुंतागुंतीच्या रस्त्यांनी
केलं जरी कितीही अंतर पार
तरी
माझ्या घराभोवतीच्या
आणि तुझ्या मनाभोवतीच्या
ह्या चौकटीचं काय?